Mae’r Penderfyniad yn amlinellu’r egwyddorion, y rheolau a’r dehongliad sy’n llywodraethu hawliadau y gall Aelodau eu gwneud i ad-dalu costau sy’n gysylltiedig â chyflawni eu dyletswyddau fel Aelodau o’r Senedd. Caiff y treuliau a hawlir eu cynnwys yn y wybodaeth a gyhoeddir dri mis yn ddiweddarach a bydd yn dangos yn y flwyddyn ariannol y mae’r gost yn gysylltiedig â hi.
Byddai’r rhain yn cynnwys costau a dalwyd o dan y Penodau a ganlyn:
- Pennod 4 – llety dros nos
- Pennod 5 – teithio
- Pennod 6 – gwaith etholaethol
- Pennod 8 – Cymorth grŵp, sy’n dod o dan 8.1.1 (b) a (c)
Gellir hepgor hawliadau sy'n datgelu data personol lle byddai cyhoeddi hynny yn groes i unrhyw un o'r egwyddorion diogelu data sydd wedi'u cynnwys mewn deddfwriaeth diogelu data.